Mombe

From Wikipedia
Jump to: navigation, search
France Lozère Aubrac 02.jpg

Mombe kana kuti n'ombe (cattle in English) imhuka inopfuwiiwa pamusha. Mombe dzinochengeterwa nyama, kurima, kutakura mutoro, mukaka, dehwe nzvimwewo. Debwe ren'ombe rinokakisa ngoma, rinorulisa makashu kana kuwadzwa rogagwa. Kareko raigadziriswa sengende dzokusengesa zviyo kana nyama. MuZimbabwe nemuAfrica yose n'ombe ndibwo vufumi bwunokosheswa zvakanyanya zvikuru sei kumaruwa. Mombe dzinoshandiswa pakuripa roora vuye pamabiko nezvirango zvakasiyana-siyana. Mugore ra2008 vanhu vazhinji vomuZimbabwe vakashandisa n'ombe semari pakutenga midziyo napakuripa ngava dzakasiyana-siyana kushonganisira dzidzo kuzvikoro. Vazhinji ndivo vakatenga nharembozha dzavo nen'ombe.

MuZimbabwe mune mhando dzemombe dzinoti: Hard Mashona; Ntuli; Afrikander; Jersey; Friesland; Hereford nedzimwewo. N'ombe dzinowanikwa muruvara ruchena, rushava, rupfumbu, rutema kana gwesadzaremhunga kuchitivo dzimwe dzinoita makwapa-makwapa.

Kuziva Mombe[chinja | edit source]

  • Mwana wen'ombe unohwi mhuru.
  • Mombe ine nyanga dzataririsa pasi dzinozunguzika inonzi ngwere.
  • Horeka (Beast (mombe) with horns curved like those of a buffalo) apa kureva mombe ine nyanga dzakakombamira mukati sedzenyati. Nehoreka rikagova zita remunhu.
  • Mombe isina nyanga inonzi dhube, njuma, nzuma kana dzunzu. Polled livestock kuEnglish.
  • Tsiru kana kuti mhorombe imombe hadzi isati yabereka.
  • Mhou imombe hadzi yakambobereka.
  • Nzombe, ngavi, gwaimani kana kuti dhonza imombe hono yakapingudzwa kuti ikwanise kushanda basa rekurima.
  • Bhuru, handira kana kuti ngunzi imomberume isina kuchekwa inokwanisa kuberekesa.
  • Mhandamba (Cow or ox with wide-spreading horns) apa kureva mombe ine nyanga dzakapandambara kana kutambarara kuenda kumativi ekunze.
  • Ramba in'ombe hadzi isingabereki.
  • Han'a in'ombe honho inofungiudzigwa kuti haigoni kuberesa.
  • Dore in'ombe yakwegurisa.
  • N'ombe inotumika kwazvo pakurima ichiwanzosungwa mberi kurutivi gwerudyi inohwi forosi. Haiwanzorobwi netyava pakuchaira, inongovudzwa nemhetegwa, muridzo kana hwi chairo rokubwereketa.
  • Mukaro (nose rope, ridge)

Shumo kana tsumo dzine chokuita nen'ombe[chinja | edit source]

  • Igamawakaringezhira n'ombe yokuronzegwa.
  • Chinokura usipo imombe munda unokura nokuvandurirwa.

Ndove[chinja | edit source]

Tsvina yemombe inonzi ndove inoshandiswa kuita manyowa anowarikwa mumunda. Vamwe vanoti zviya kana yawoma vanoipisa muchoto vachibika mudzimba.

  • Dembwe chiro chinenge madzihwa chinoonekwa mundove yemombe. Dembwe rinoonekwawo mutsvina yemunhu.

Zvimwevo pamusoro pen'ombe[chinja | edit source]

  • Kana mombe dzakaungana dzakawanda zvakanyanya boka remombe iri rinonzi gumbi. Vamwe vatauri vanoti fanzwa.
  • Chitsamatore izita remhuri rinopiwa uyo anopingudza mombe dzava matore dzachembera. Pano kutsa (breaking, taming) zvinoreva kupingudza kuti mombe ikwanise kushandika nayo isinga pengereke.
  • Musambara zvinoreva hurefu huripo kubva pahuma kusvika pabesu panotangira muswe wemhuka.
  • Barambara zvinoreva huma yemhuka ine nyanga.