Pimachisi

Pimachisi (Geometry kuChirungu) chidzidzo chinowongorora mibvunzo pamusoro pezvinotevera:

• Kaumbirwo kakaitwa zviumbwa tichitarisa kupimwa kwemativi nemagonyo;
• Kupa mitemo inotsanangudza, kufananidza, nokusiyanisa chiumbwa chimwe nechimwe;
• Kududza kuti chiumbwa chiri papi zvichifananidzwa nepane chimwe chiumbwa.
• Kukura kwakaita nzvimbo;
• Kududza kuti nzvimbo iri papi zvichifananidzwa nepane imwe nzvimbo;

Chinangwa

Chinangwa chechinyorwa chino kuparura nhaurwa yezvidzidzo zvePimanyika tichitaura neChiShona. Pakutanga mazita achapiwa kune izvo zvatinosangana nazvo pakupima nzvimbo nezviumbwa. Mazita eShona achadudzirwa zvakare pachishandiswa mazwi ariko kuChirungu. Nokuda kwekuti mamwe mazwi haasati aveko kuChiShona pachange pachipiwa mazita matsva, zvichibatsira kuumba mutauro wedu takatarisana neumhizha Pimanyika.

Kupiwa kweZita

• Izwi rokuti geometry rakaumbwa nezvikamu zviviri zvinoti: geo (n. earth, land) uye meter (v. measure).

• KuShona taturikira geo tichiti chisi uye meter tichiti kupima. Izwi rokuti chisi ndiro rimwe rinodudzwa pakuti musi wechisi.

Mitauro yeBantu

Mazwi ari pano anonongedza kuti zita rokuti pimachisi rakabva kupi.

• VaLunda neVaLenje vanoti chisi (country, region, land, district, village and its neighbourhood).
• VaTonga vanoti cisi (land, country, place, nation). Giryama vanoti tsi (land).
• VaLenje vanoti nshi kana nsi (land, region, ground underfoot) apa kurva pasi kana pavhu.
• Kinyarwanda vanoti isi (world, earth). Lugwere vanoti chisi (region, country).