Nharaunda

From Wikipedia
Jump to navigation Jump to search

Muzvidzidzo zveMasvomhu nePimanyika, nharaunda (1. Area, 2. Teritory, district, province, 3. Environment) izwi rinoreva kukura kwakaita nzvimbo kunowanikwa nokuunga hwasha nehurefu hwenzvimbo iyoyo.

  • Nharaunda inodudza kukura kwenzvimbo ine nzenda mbiri.
  • Nharaunda inogonawo kutsvakwa pazviumbwa zviri pamutsendo uye chiso chine nzenda nhatu.

Kupima nharaunda[chinja | edit source]

Nharaunda inomimwa nezviyero zvinoti: skweya remita; skweya rekiromita; skweya refutu zvichingodaro. Kana kuchinzi skweya remita zvinoreva nharaunda yakakura kuenzana neye skweya rine mativi akareba mita rimwe. Ndizvo zvimwe neskweya rekiromita rine nharaunda yakakura kuenzana neye skweya rine mativi akareba kiromita rimwe.

Mitauro yeBantu[chinja | edit source]

Ko icho chinombonzi unda chimbori chii kana imho chinonzi nhara? Takatarisa mazwi eSwahili ari pasi ayo tinoona unda zvichireva nzvimbo yakavakwa!

  • Vatauri veChewa vanoti unda kana kuunda (to surround- as dogs surrounding a man).
  • VaSwahili vanoti muundo (1. building, structure, 2. pattern , model; 3. form shape) vachireva chivakwa kana chiumbwa.
  • VaSwahili vanoti unda (make, construct, fit together, form) vachireva kuvaka, kuumbanidza kana kudungira.
  • VaSwahili vanoti uunzi (building, carpentry, construction) vachireva kuvaka kana kuveza.
  • VaSwahili vanoti maunzi (pl. building, construction, erection) vachireva kuvaka.
  • VaSwahili vanoti munda (plank or board used in house building) vachireva mapuranga anokuvakiswa.
  • VaSwahili vanoti muunda kana muundi (one who builds or constructs something usually of wood) vachireva muvaki.