Shumba

From Wikipedia
Jump to: navigation, search
Lion waiting in Namibia.jpg

Shumba (Lion in English) imhuka iri pamupanda wekatsi inowanikwa kumatunhu ari kuAfrica neAsia. Shumba inokura kusvika 250 kg; inoverengwa seimwe yemhuka dzine huwandu huri huderera kunyanya munzvimbo dziri kuMadokero eAfrica. Kutambanuka kuri kuita nzvimbo dzinogarwa nevanhu ndicho chimwe chikonzero chiri kuita huwandu hweshumba huderere. Varimi vane mhuka dzavo havafare kana zvipfuyo izvi zvichidyiwa neshumba.

Magariro[chinja | edit source]

Shumba dzinorarama makore gumi kusvika gumi nemana (10-14) kana dziri musango. Kana dzakatenherwa dzinorarama makore akati rebeyi anganosvika makumi maviri (20). Shumba hono hadzirarame makore anopfuura gumi kana dziri musango nokuda kwekurwa kwadzinogaro ita dzichitanda nzvari.

Shumba dzinowanikwa mumakura eSavanna asina miti yakawanda, asi dzimwe nguva dzinopinda murimuka mumasango makuru. Mhuka idzi dzinogara mumatanga anenge aine nzvari dzine ukama, vana veshumba, nehono shomane. Vanotarira shumba vanoti hadzinyanye kuvhima vanhu.

Kuvhima[chinja | edit source]

Zvinotora danga reshumba kuti dziwise mukono wenyati; kana nepo shumba dzinozowisa mukono uwu dzatombotambura nokutungwa dzichidzinganiswa nenyati. Mapere zvakare anoita chivindi chokudzinga shumba kuva panyama zvikurusei kana mapere auya ari danga rakakura. Bere kamhuka kadiki asi kana achinge awanda anorura zvokushayisa shumba mufaro panyama.

Tsika[chinja | edit source]

Shumba imhuka inotyiwa nevazhinji; matehwe eshumba aipiwa kuvatongi vakuru kuratidza kuremekedzwa nehukuru hwavo. Munzvimbo zhinji mune zvifananidzo zveshumba zvinoratidza kuremekedzwa kwemhuka iyi.

MuZimbabwe kuState House kunogara President Robert Gabriel Mugabe kune zvifananidzo zveshumba zviviri. Pamatumba akavigirwa madzimambo ekuEgypt pane chifananidzo chine musoro wemunhu nemuviri weshumba chinonzi Sphinx. Chiumbwa ichi chiri pedyo nedumba riri paGiza, Egypt. Muguta guru reHarare panze peMeikles Hotel pane zvifananidzo zveshumba zvakare.

Tsumo[chinja | edit source]

  • Kana shumba ikashaya nyama inodya uswa.