Mukweso

From Wikipedia
Jump to: navigation, search
Chiromukweso (resistor), sekuzikanwa kubva pakodhi yemavara yezveugetsi (electronic color code) (blue–green–black-gold). Ohmita inogona kushandiswa kunyatsozivisa kuti chiremo ichi ndechemachokwadi here.

Mukweso wemagetsi (muChirungu: electrical resistance) wechinhu chinoshanda nemagetsi zvinoreva kupikisa kwekufamba kwerufuvha rwemagetsi muchinhu ichocho. Pindukwo (inverse) yemukweso imugwinho, zvinoreva kuti zviri nyore sei kuti rufuvha rupfure muchinhu chinoshanda nemagetsi. Chiyerwo chemukweso musisitemu yezviyero yepasirose (SI) chinonzi ohm. Mugwinho hunoyerwa mumasiemens.

Chiro chine mucheko wakaenzana chine mukweso une muzasedimbu nehukweso nekureba kwechiro ichocho nemuzasedimbu wakasunama (inverse proportionality) nenhandare yemucheko wacho. Zvinhu zvese zvine mukweso wemagetsi, kunze kwemasupakondakita asina mukweso.

Mukweso (R) wechiro unodudzirwa semudida webasa paumwe hwechaji (vhoruteji) kumativi kwechiro (V) nerufuvha muchiro ichocho (I) pachiva nemugwinho (G) iri pindukwo yacho:

R = {V\over I}, \;\;\;\;\; G = {I\over V}

Kune zviro zvizhinji, V naI zvine muzasedimbu wekuteverana zvichitevera kuti R naG zvinogara zvakokonerwa (constant) (asi zvinogona kushanduka zvichienderana nezvimwe zvinhu somuenzaniso, hujoto). Muzasedimbu uyu unonzi Mutemo waOhm uye zviro zvinotevera muzasedimbu uyu zvinonzi zviro zviri ohmiki.

Mukweso wemagetsi unoyerwa neohmita (ohmmeter).

Mikweso inogarowanikwa[chinja | edit source]

Chiro Chemagetsi Mukweso (Ω)
1m yewaya yemhangura
ine gurapakati ye1mm
0.02[1]
1 km waya yemagetsi yepamusoro
(inonyano wanikwa)
0.03[2]
Bhatiri reAA (mukweso wemukati
unonyanyowanikwa)
0.1[3]
Firamendi yegirobhu rakare
(incadescent lightbulb filament)
(inonyanyowanikwa)
200-1000[4]
Muviri wemunhu 1000 to 100,000[5]

Kwakawanikwa Ruzivo[chinja | edit source]

  1. Hukweso hwecopper i1.7×10-8Ωm. Ona [1].
  2. Electric power substations engineering na John Douglas McDonald, p 18-37, [2]
  3. [3] Kune bhatiri ritsva reEnergizer E91 AA alkaline battery, mukweso wemukati unosiyana kubva pa0.9Ω nehujoto hwe -40°C, kusvikira 0.1Ω nehujoto hwe +40°C.
  4. Mukweso wegirobhu re60W kuEurope (230V magetsi epaplug) inenge iri 900 ohm. Mukweso wefiramende unotemba nehujoto; manhamba aya ndeefiramende irikutopisa apa girobhu richiburitsa chiedza.
  5. 100,000 ohm pakubata neganda rakaoma, 1000 ohms pakubata neganda rakatota kana rakatsemuka. Zvinotembawo nezvimwe zvinhu. Wonawo: Publication No. 98-131: Worker Deaths by Electrocution. National Institute for Occupational Safety and Health