Nzira

Nzira zvinoreva mukana unofambwa ungava unoshandiswa nemhuka kana vanhu. Vamwe vatauri kuchiManyika vanoti gwanza.

• Masonga, mashonga kana mawira (meeting place of rivers or roads) apa kureva panosangana nzira kana nzizi.

Mamwe mashoko anotaura nzira

• Kondo (game path) apa zvichireva gwara rinofambwa nemhuka. Zvichida ndipo panobva zita rokuti Mukondo.
• Mugwagwa mugwanyo muvha kana muva (Rhodhi). KuChiNdau vanoti pato.
• Gwara, (faint game path) zvinoreva nzira inoshandiswa nemhuka.
• Mutome, dome kana mudome (1. Aside; 2. Path astray; 3. Side of the path) zvichireva nzira inorasisa.
• Gwanza kana magwanza (trail; path through trees) inzira inopinda nepakati pemiti musango.
• Muhure zvinoreva nzira yakaitwa nevanhu nechinangwa chekuteya mhuka kana shiri.
• Mukoto (worn path; narrow path between buildings) inzira yetsoka.
• Mushwaira, mukwaira kana muhwayira (a narrow path, a track through grass). Mukwaira izita remhuri.
• Gumbu, makumbu kana mupuyuwuyu (broad much frequented path) inzira pamhi iri yetsoka inoshandiswa zvakanyanya. Mamwe maDuramazwi anoturikira kuti highway.
• -dzemberedza (1. Stand in one's way and cause to take a detour, 2. Place one in a dilemma).
• Mwanza kana mwazha (trail made by livestock in the forest). Mwazha izita remhuri.
• Nonda (ideophone of following closely in pursuit, of following path without detouring). Akati nenzira nonda.

Kurerutsa Mutauro

• Dendere kana bangwa (idea of following - especially a path). Iti nzira bangwa.
• Akaenda dome: he got lost.
• Famba nomudome: walk on the side of the path.
• Wareva padome: you missed the whole point.
• Kupfumba kana kupfumbira (to be clear, to be distinct).
• Ngeiro zuva pato rinozoapo rinobva Egipite kuenda Asiria: On that day, there will be a highway from Egypt to Assyria. (Isaiah 19:23, Bhaibheri reChiNdau).

Tsumo

• Panoda mwoyo nzira haisviki. Where the heart wants (to go) the path does not reach.
• Apo mwoyo ungoda gwanza harisviki. Where the heart wants to go the path does not reach
• Nzira masanga. (Getting onto) a path is sheer chance.
• Nzira inofamba yomuzvinamimba yomuzvere haifambi. The journey of a pregnant woman is quicker than that of a woman with a child.
• Nzira haidzimiri munhu. A path does not disappear before one.

Mitauro yeBantu

• VaYao vanoti mpita (a track) kureva nzira. VaYao vanoti mlamba (a by path). VaZigula vanoti sira vachireva nzira.
• VaChewa vanoti mapita (paths, passages) kureva nzira - zvichibva pakuti kupita. VaZigula vanoti mkumbi (n. a broad road) kureva mugwagwa.
• VaDigo vanoti njira kureva nzira. VaKwere vanoti nzila (n. road) vachireva nzira.
• VaLenje neVaGiryama vanoti mukondo (track, trail, spoor, by-path) kureva mwanza. VaGanda vanoti kubo (n. way) vachireva nzira.
• VaKongo vanoti koka (n. path, highway) kureva nzira. VaNyoro vanoti ikute (a made road). VaMakua vanoti ipiro (path) kureva nzira yetsoka.