Kirundi

Kirundi, mutauro unowanikwa kuBurundi uri muboka remitauro yeBantu. Kirundi rurimi rwezvizvarwa zveVaHutu asi runotaurwawo neVaTutsi, VaTwa neVaHima.

Mazwi Anotodzana

• Nyama (meat) ndizvo zvimwechete kuKirundi neShona.
• Kirundi inoti imvubu (hippo); VaShona vanoti mvuu.
• Kirundi inoti imvura (rain); VaShona vanoti kunaya kwemvura.
• Kirundi inoti impinguro (answers; redoing unsatisfactory job); VaShona vanoti kupingura.
• Kirundi inoti urupfu (death); VaShona vanoti rufu.
• Kirundi inoti gupfukama (to kneel); VaShona vanoti kupfugama.
• Kirundi inoti ingwe (leopard); VaShona vanoti ingwe.
• Kirundi inoti uruzi (stream, river); VaShona vanoti rwizi.
• Kirundi inoti gupfa (to die); VaShona vanoti kufa.
• Kirundi inoti umupira (rubber); VaShona vanoti mupira.
• Kirundi inoti ijwi (voice); VaShona vanoti izwi.
• Kurindira (to wait for, expect) ndizvo zvimwechete kuKirundu nekuShona.
• Mururimi rweKirundu vanoti Kuringanira (to be even ,equal, flat) kuShona vanoti kuringana.
• Muramu (Sister-in-law of man; Brother-in-law of woman) ndizvo zvimwechete kuKirundu nekuShona.
• Kurera (to train, rear child) ndizvo zvimwechete kuKirundu nekuShona.
• Kirundi inoti uburiri (bed, sleeping place); VaShona vanoti uriri.
• Kirundi inoti gukama (to milk); VaShona vanoti kukama.
• Kirundi inoti ikanzu (dress, robe, gown); VaShona vanoti hanzu.
• Kirundi inoti ikara (coals); VaShona vanoti makara.
• Kirundi inoti umuswa (white ants); VaShona vanoti mutswa.
• Kirundi inoti inkombe (shore, bank); VaShona vanoti gombe kana hombekombe.
• Kirundi inoti musi (under); Shona vanoti kutsi.
• Kirundi inoti tandatu (six); VaShona vanoti tanhatu kana nhanhatu.
• Kirundi inoti tanu (five); VaShona vanoti shanu.
• Kirundi inoti umuti (medicine, any mixed preparation); VaShona vanoti muti.
• Kirundi inoti nyina (his, her, their mother); VaShona vanoti nyina.
• Kirundi inoti kwonda (to get thin); VaShona vanoti kuwonda.
• Kurwara (to be sick, ill) ndizvo zvimwechete kuKirundu nekuShona.
• Rwose (entire, complete, very much) ndizvo zvimwechete kuKirundu nekuShona.
• Mururimi rweKirundu vanoti umusoza (rower, oarsmen). Zvichida izwi iri rinotodzana nezita reShona rinonzi Musonza?
• Kirundi inoti isi (world, earth); Lugwere vanoti chisi (region, country). VaShona vanoti chisi kureva zuva rinoereswa kushanda.
• Kirundi inoti umwuzukuru (grandchild, grandson, granddaughter); VaShona vanoti muzukuru.
• Kirundi inoti umwuzukuruza (descendant); VaShona vanoti muzukuru.

Mamwe Mazwi

• Izwi rokuti intabire (fertilizer) rinotaurwa mururimi rweKirundu.
• Gutabira (to fertilizer) Zvichida izwi iri rinotodzana nezita rinonzi Muataviri?
• Izwi rokuti igitarikwa (bridge, scaffolding) rinotaurwa mururimi rweKirundi. Zvichida izwi iri rinotodzana nezita rinonzi Mudarikwa?
• Izwi rokuti umuragwa (heir) rinotaurwa mururimi rweKirundu. Zvichida izwi iri rinotodzana nezita rinonzi Murahwa?
• Kirundi inoti umwungere (shepherd); VaShona vanoti mufudzi wehwayi. Zvichida ndipo panobva zita rokuti Mangere?
• Kirundi inoti kuvyina (dance); VaShona vanoti kudzana.