VaRemba

From Wikipedia
Jump to navigation Jump to search

VaRemba (kuti Remba chiShona muZimbabwe uye muchiVenda kuSouth Africa zvakafanana nekuti Lemba) rudzi rwevanhu vatema vanowanikwa muZimbabwe, South Africa, malawi and Mozambique. Umbowo hwesainzi pamwe nengano zvoniwirirana kuti madziteteguru avo vaive verudzi rwechiJudah. KuSouth Africa rudzi urwu runodanwa nezita rokuti Lemba. MuZimbabwe vaRemba vanodanwawo kuti vaMwenyi.

Vanhu verudzi rwavaRemba vanotaura mitauro yechiBantu inosanganisira ChiShona, Venda neKalanga. VaRemba vane tsika dzavanotevedza nemaitiro eChinamato anotodza kana kufanana nemaitiro echiJudah. Zvisinei kune vamwe vavo nhasi vanotevedza chiKristu vamwe vachitevedza chiMuslim, kunyangwe vazhinji vachichengetedza tsika dzinofanana nemaJudah.

Tiri muZimbabwe vaRemba vanowanikwa mumatunhu akasiyana. Mudunhu reMberengwa vanowanikwa vachiera mutupo we zhou vachidanwa kunzi vaShavi. KwaGutu, Buhera, Guruve, Masvingo, Muzarabani nedzimwe nzvimbo vanowanika vachiera mutupo we mbeva uye vachidanwa kuti vanaMusoni kana kuti vaShavi.

DETEMBO[chinja | edit source]

Maita mbeva
Maita musoni
Zvaitwa warukore,
Zungunde,
mutsva ndiani
Akagara ngozi,
Maita varemba
Vamwenye
Vauyi
Vasingasoni neshinda nhema
Vaera mbeva
Vakashoshonora shono mumwena
Aiwa zvaitwa musoni
Vahaji veshambo chena.

Zvinofanana nemaJudah nemaArab[chinja | edit source]

Tsika dzevaRemba dzinofanana nemaJudah ndidzo dzinotevera:

  • Vanodana Mwari kuti Nwali.
  • Vanotevedza Sabata (Shabbat).
  • Havadyi nyama yenguruve sezvinotaurwa nebhuku remirayiro yavaJudah reTorah. Zvakare vanotevedza kusasanganisa zvikafu kunorambidzwa mutsika dzeKosher dzechiJudah.
  • Vanotevedza tsika yokudzingiswa kwevarume.
  • VaRemba vanotevedza tsika yokusaroorana nemamwe marudzi.

Mazita emadzinza evaRemba anoda kunofanana neemhuri dzechiArab uye dzechiJudah. Muenzaniso ndiwo mazita aya: Sadiki, Hasane, Hamisi, Haji, Bakeri, Sharifo naSaidi. Zvakadaro vamwe vavo vanoshandisawo mazita akangofanana nevamwe verudzi rweChiShona.

VaRemba vanozivikanwa vanosanganisira: Fungisai Zvakavapano-Mashavave; Courage Mashavave; Durajadi Simba; Rudo Mathivha; Hamandishe Maramwidze (anomirira Gutu North mudare reParamende) nevamwewo, Tapiwa Chatora, Willie Mutangadura.

Mitauro yeBantu[chinja | edit source]

  • Mururimi rweLuwanga vanoti eshilemba (turban) kureva chiremba.