Zuva

From Wikipedia
Jump to navigation Jump to search

Muzvidzidzo zvinoti: taranyika; jekanyika; fundoyetsimba; Zvechadenga, zuva imhando yenyenyedzi iri pakati peGumbapamwe reMushana. Zuva rine hujoto hwakakwira zvokuti mbato irimo inoshanduka kubva pakuva mwando unopisisa kuenda pakuva inonzi plasma kuEnglish. Plasma imhando yomusandu ine mwando unopisa zvakanyanya zvokuti maatomu anoshanduka kuva maayoni.


Pimadanho reZuva rine nhambwe yakareva 1,392,000 km, zvichireva kuti zuva akakura zvakapetwa ka 109 kana richienzaniswa neEarth.

Kudzikatirwa kwezuva (Eclipse of the Sun) kunoitika kana mwedzi uri pakati pezuva neRinopasi zvose zvakanangana zviri pamutsetse wakati twasa. Chinoitika ndechekuti mirazvo yezuva inodzikatidzwa nemwedzi yotadza kusvika panyika pane Rinopasi. Nzvimbo dzinenge dzaitika izvi dzinoita rima kunze kugotanga kutonhorera, shiri dzoenda kunovata dzichiti kwadoka.

  • Izwi rokuti makute rinoshandiswa kutsangangura apo zuva rinopinda seri kwemakore, vanhu vari pasi vobva vadzivirirwa zvokusanzwa mushana. Apa zuva rinonzi rapinda kumakute.

Kurerutsa Mutauro[chinja | edit source]

Mitauro yeBantu[chinja | edit source]

  • VaNyoro vanoti musana (light, daylight) kureva chiedza chezuva. VaGanda vanoti msana (midday).
  • VaRwanda izuba (n. Sun) kureva zuva. VaNgala vanoti moi, mwese (n. sun) kureva zuva. Muzamwese riri zita remhuri.
  • VaMaconde vanoti chikuti (n. circle around the sun or moon) vachireva denderedzwa rakapoeterera zuva.
  • VaHerero vanoti oku-pita ku'eyuva (v. Sunrise) kureva kubuda kwezuva. VaHerero vanoti pita (v. go out, come out, come forth, go forth, rise out) kureva kubuda.
  • VaHerero vanoti oku-hita ku'eyuva kana oku-toka (v. Sunset) kureva kudoka kwezuva. VaHerero vanoti hita (go in, go between) kureva kupinda.