Nzou

Nzou (elephant in English) zimhuka ziguru-guru rinowanikwa kuZiwumbe reAfrica nereAsia. Nzou ndiyo mhuka hombe hombe pamhuka dzinowanikwa padunhu dzisingagare mumvura. Vamwe vanotaura zita iri vachiti zhou.

Nzou dzinowanikwa muAfrica dzine nyanga; nzou dzinowanikwa kuAsia dzimwe hadzina nyanga. Nzou dzinotakura nhumbu kwemwedzi makumi maviri nemaviri (22). Painozvarwa nzou inenge ine huremu hunosvika 105 kg. Nzou dzinorarama makore 50-70.

• Mhuvi inzou isina nyanga.
• Gaka renzou (intestine of elephant used as sleeping bag) apa kureva matumbu enzou aishandiswa sebhegi rekurarira.
• Murevo wenzou (elephant's trunk). VaVenda vanoti musingo (elephant's trunk).

Tsumo

• Kuita kwewashaya kuteya nzou neriva.
• Nzou hairemerwe nenyanga dzayo.
• Nzou mutupo pana vanhu paseri ava machikichori.
• Chirango chatimba, kuti nzou pinda mumba. It is a mere formality for a (small bird) to invite an elephant to its nest.
• Kuvaraidza zuva kuteya nzou neriva. It is just killing time if one sets a stone-trap for an elephant.

Mazita emhuri

• Mazita emhuri ane chekuita nenzou anosanganisira: Zhou, Nzou, Chinzou, Mukonowenzou, Manzou, Nenzou, Samanyanya, Mashambanzou.

Mitauro yeBantu

• VaFwe vanoti njovu (elephant) kureva nzou. VaNyungwe vanoti ndzou (n. elephant) kureva nzou. VaGiryama vanoti ndzovu (n. elephant).
• VaWanga vanoti inzofu (n. elephant) kureva nzou. MaZulu vanoti indlovu kureva nzou. VaZigula vanoti ntrembo kureva nzou.
• VaMakhuwa vanoti itepo (elephant) kureva nzou. VaSwahili vanoti tembo (elephant) kureva nzou. Maconde vanoti inembo kureva nzou..
• Mang'anja vanoti njobvu i-omba mpembe (an elephant trumpets) vachireva nzou inokuma seinoridza bhosvo. Bukusu vanoti eenjo.u (adj. big).
• VaGulu vanoti ntembo kana matembo (elephant) kureva zhou. Mamwe mazwi: n'tembo (n. ivory) kureva nyanga dzenzou.