Kuenzana

Shoko rokuti kuenzana (being equal in size) rinoreva kufanana pahukuru, mumhu, mupimo kana huwandu.

Mashoko aya achange akakosha pakuturikira zvivakashure zvinoti: iso-, equi zvinoshandiswa kuEnglish.

Kurerutsa Mutauro

• Pavakapedza kutsindira mugwagwa wanga wati chechetere.

• Wanga uri muchechetere mvura yeguvi.

Mamwe Mashoko

Mamwe mashoko anoreva zvimwechete ndiwo anoti, njenje, muchechetere, gadaga, gwedegwe, kutsazana. Shoko rokuti kutsazana rinobva kuchiManyika richireva iko kuenzana.

• Kuenzanya (to make equal) zvinoreva kuenzanisa.
• Ruenzano (Equality).
• Gunzana (be equal, all square) zvichireva kuenzana.
• Kudzvededza (Plough evenly, leaving no furrows. 2. Plait string evenly).
• Cheche kana gwedegwe. (ideo of being same size). Sokuti: Munin'ina akati cheche nomukoma: (the younger brother is as tall as the elder).

Mitauro yeBantu

• VaChewa vanoti enza kana eza (measure, survey; compare), kureva kupima. Saka zvakaenzana zvinopimirana.
• VaChewa vanoti linganika (to be equal), kureva kuenzana. VaChewa vanoti linganiza (to make the same; to be equal; to make smooth; level), kureva kuenzana.
• MaZulu vanoti linga (be equal) zvichireva kuenzana. fananidzai nokuti kuringana. Kimbundu vanoti nzori (equal; similar; equality) kureva kuenzana.
• VaWanga vanoti okhuyerana (be equal), kureva kuenzana. VaMaconde vanoti shakulingana (equal; level; even) kureva chakaringana.
• VaKongo vanoti -fwananini (v.s. equal), kureva kuenzana. Mamwe mazwi mfwanani (equality), kureva ruenzano. Fwananika (make equal), kureva kuenzanisa.