Chizulu

From Wikipedia
Jump to navigation Jump to search

Chizulu (Chindebele: Sizulu; Isizulu) mutauro weSouthern Bantu webazi reNguni (kana dzinza revanhu vechiNguni) unotaurwa muSouth Afrika. Ndiwo mutauro weMazulu (kana Vazulu). Dunhu reVazulu rinonyanya kugara kuKwaZulu-Natal muSouth Afrika. Chizulu ndiwo mutauro wepamusha unotaurwa zvakanyanya muSouth Afrika (24% yevagari), uye unonzwisiswa nevanhu vanodarika makumi mashanu muzana (50% huwandu wevanhu). Chizulu chakava imwe yemitauro gumi nematanhatu yeSouth Afrika muna 1994. Chizulu mutauro wechipiri uchikundwa neChiswahili unotaurwa nevanhu vakawanda.[1]

Zita[chinja | edit source]

Vanguni[chinja | edit source]

Chizulu[chinja | edit source]

Shoko rekuti Zulu kuVazulu rinoreva zvinhu zvakasiyana asi zvese zvinoita nekuva pamusoro kana kumusuro:

  • Izulu leli = Iri idenga (This is heaven)
  • Ngiphezulu = Ndiri pamusoro. (I am on top)
  • Izulu = Denga (Heaven)
  • Phezulu = Pamusoro (above; up)

Chixhosa[chinja | edit source]

Chizulu neChixhosa mitauro yakafanana uye inonzwisisana nekuti dzese mitauro yechiNguni. Saka vane mashoko akafanana akawanda, chinogona kusiyana matauriro kana mashandisirwo emamwe mashoko sezvinoita Chizezuru neChikaranga (mitauro yeChishona).

  • Izulu = Denga (Chirungu: heaven)
  • Ndiphezulu = Ndiri pamusoro. (Chirungu: I am on top)

Vashona[chinja | edit source]

Chishona[chinja | edit source]

MuChishona, zvivaramai zvekuti r na l zvimwechete, saka Zulu anoitwa Zuru. Iro shoko rekuti 'zuru' rinoreva zvimwechete muChishona sezvarinoita muChizuru kwarinonzi 'zulu'.

Zvisinei, muchirangarira kuti Chishona neChizulu mitauro yese iri miviri unoiswa mubazi rechiBantu. Nepo shoko rekuti 'denga' (heaven muChishona) neIzulu (heaven muChizulu) zvakasiyana. Asi mashoko ekuti 'usoro' uye 'soro' achibva kushoko rekuti 'pamusoro' ndiwo mashoko ari pedyo neshoko rekuti 'Zulu '.

  • Phezulu = Pamusoro
  • Izulu = Usoro (Usolo kana Shona yaive ne-'L', asi haina).
  • Zulu = Soro (Solo kana Shona yaive ne-'L', asi haina)

Kune akawanda mashoko echiNguni neShona anogovera chirevo uye anoita kakunzwika zvakafanana. Zvakare pane mashoko anonyorwa kana kutaurwa zvakafanana uye anonzwika zvakafanana, kozoita mamwe asingareve zvinhu zvimwechete.

Enzaniso:

  • izolo = nezuro / zuro (yersterday)
  • Namhuhla = nhasi (today)
    • rinonzwika sekuti "ndamuka" / "ndamutsa"
  • Kusasa = mangwana (tomorrow)
    • Muchishona Kusasa zvinoreva kuti "to tell a speech"

Kugoverwa kwemutauro[chinja | edit source]

Vanhu vekuZulu vanoenda kune dzimwe nyika vakaendesa kunzvimbo dziri padhuze, kunyanya Zimbabwe, uko mutauro weChindebele unonzwisisana zvakanyanya neZulu. Xhosa, mutauro unonyanya kutaurwa muEastern Cape, unowanzoonekwa seunonzwisisika nechiZulu, sezvakaita Northern Ndebele.[2][3]

Nhoroondo[chinja | edit source]

Mazulu, saVaxhosa nevamwe vanhu vechiNguni, vakagara muSouth Afrika kwenguva yakareba. Mutauro weZulu unematinji akati wandei anowanikwa mumitauro yeSouth Afrika, isingawanikwe muAfrika yese. Vanhu vechiNguni vakagara pamwe chete nemamwe madzinza ekumaodzanyemba seMakhoisan (Vasan neVakhoi).

Mabhii eChizulu[chinja | edit source]

Chizulu semutauro zhinji wechiBantu vanoshandisa mabhii echiRatini avanoshandura kuti anzwike seChizulu nekuda kwekusiyana kwemitauro.

Mabhii eChizulu
a b c d e f g h i j k l m n o p q r s t u v w x y z

Mabviro eruzivo[chinja | edit source]

  1. Ethnologue 2005. Yakatariswa: 12 Chikumi 2021
  2. NorthernNdebele.blogspot.com NorthernNdebele.blogspot.com. Yakatariswa: 12 Chikumi 2021
  3. Spiegler, Sebastian; van der Spuy, Andrew; Flach, Peter A. (August 2010). "Ukwabelana - An open-source morphological Zulu. Yakatariswa: 12 Chikumi 2021