Mhara

From Wikipedia
Jump to: navigation, search
Impala mutualim with birds wide.jpg

Mhara (Impala in English and Afrikaans) imhuka yemusango inoda kuenzana nemhembwe. Mhuka idzi dzinowanikwa mumasango enyika dzinoti Kenya, Tanzania, Swaziland, Mozambique, kumaodzanyemba kweNamibia, Botswana, Zambia, Zimbabwe, kuchamhembe kweAngola, South Africa and Uganda. Huwandu hwemhara muAfrica hunodarika 2 million.

Chimiro cheMhara[chinja | edit source]

Mhara dzine hurefu pamapendekete huri pakati pe 73–92 cm. hono dzinoita huremu huri pakati pe 46–76 kg, nzvari dzinorema zviri pakati pe 35–50 kg. Mhara dzine ruvara rwe reddish-brown, dziine besu rwakaita rushava nedumbu re white. Hono dzine nyanga dzinoreba kusvika 90 cm; nzvari hadzina nyanga.

Magariro eMhara[chinja | edit source]

Nzvari nemhara ndiki dzinogara mumatanga ane mhara dzinokwana 200. Munguva yokunge kuine mafuro akanaka mabhuru emhara anotara muganhu nokuchengera nzvimbo dzawo achitanda dzimwe hono dzingada kupinda munzvimbo idzi. Nzvari dzose dzinopinda munzvimbo yakachengerwa dzinokomberedzwa mukono uchiedza kuchegeta nzvari nokudzivisa kuti dzibude munzvimbo iyi.

Munguva yokunge kuine nzara matanga ane mikono nenzvari anobatana kuitira kutama mhara dzichifamba nzendo refu kunotsvaka mafuro manyoro. Panguva iyi mikono inogarisana murugare.

Kubereka[chinja | edit source]

Nguva yokuti mikono inotanda nzvari inotanga panopera mwaka wekunaya kwemvura muna May; nguva iyi yakareba mavhiki matatu (3). Mhara inotakura pamuviri kwemwedzi 6-7; asi nzvari inokwanisa kunonoka kuzvara kana mafuro asina kururama. Panguva yokuzvara nzvari inozvitsaura kubva kudanga yonozvarira pakahwanda ichichengeta mhuru yayo ipapo kwemavhiki maviri-matatu isati yadzokera kune dzimwe. Mhuru dzinoyamwiswa mwedzi mitanhatu (6).

Zvikara zveMhara[chinja | edit source]

Kanamhara dzchinge dzavhundutswa nezvikara dzniotanga kusvetuka dzichita udasvumutasvu dziine chinagwa chokuvhiringidza zvikara. Mhara inokwanisa kukwakuka nhambwe inosvika 10m ichikwira 3m mudenga. Mhara dzinomhaya kusvika paSpidhi 80–80 km/h kana dzotiza zvikara. Panguva yokutiza dzinomwaya hwema kubva mumakumbo adzo izvi zvichiyamura kuti danga remhara rirambe riri pamwe.

Zvikara zvinotevara mhara zvinosanganisira: shumba; mbada; ingwe; bere uye garwe kana mhara dzaenda kunonwa mvura kurwizi.