Munwe

From Wikipedia
Jump to navigation Jump to search

Minwe ndidzo nhengo dziri kunoperera mawoko dzatinoshandisa kubata nadzo zvinhu. Munhu ane minwe gumi. Mamwe mazita: chinwe, chigunwe, zvinwe kana zvigunwe.

Shoko rokuti chitupa (1. Finger mark; 2 Thumbprint) rinotaura mudhindo weminwe unotorwa kana munhu achitsikisa chitupa. Vamwe vatauri vanodana mudhindo uyu kuti ruchiva kana ruchivo.

Pfundo kana fundo (joint of finger).

Mazita eminwe[chinja | edit source]

Chara (thumb) ndiwo munwe mupfupi mukobvu unopfumbana nemimwe minwe yose. Kana munhu akabata mupinyi webadza, chara chinopoterera nedivi racho chega. Chara chinshandiswa kutswanya sekutaura kwetsumo inoti: Chara chimwe hachitswanyi inda. Pahuwandu toti zvara

Munongedzi, muchimbo, chitendeko, mutendeka kana kuti Mutendeki (index or pointing finger) ndicho chigunwe chinotevedzana nechara chinova ndicho chinoshandiswa kunongedza.

Kasiyanwa' karavi, karava kana munwana (pinky finger) ndiwo munwe mudukusa uri kune rimwe divi rakapesana nechara. Kukwenya munho nekasiyanwa kunotaurwa apo munhu anenge achiita tarisiro rokuti ave nerombo rakanaka pane chaakamirira kuti chiitike.

Kurerutsa Mutauro[chinja | edit source]

Tsumo[chinja | edit source]

  • Minwe misiyanwa. Fingers are different (in length).
  • Munongedzo hauzvinongedzi.
  • VaMambwe vanoti kalima na munwe kureva munhu anotaura zvirongwa zvikurusa zvaasingakwanise kuzoita.

Mitauro yeBantu[chinja | edit source]

  • VaFwe vanoti munwee (finger) kureva munwe.
  • VaBemba vanoti cikumo (thumb) vachireva chara.
  • VaMaconde vanoti chala kana vyala zvawanda (finger) kureva chara. VaNyungwe vanoti cala kana bzala (finger) kureva munwe.
  • VaYao vanoti chala (toe, finger), kureva chigunwe. VaChewa vanoti tshala kana dzala (finger), kureva chigunwe.
  • Mururimi rweLuwanga vanoti olwala (finger) kureva chara.
  • VaDigo vanoti gumbe (alone) kureva ari ega, kana chiri chega. Mamwe mazwi: dzala gumbe kana kidole gumbe (thumb) kureva munwe uri wega.