Njandaya yemaJudha

Mazwi anoti Njandaya yemaJudha ari kushandiswa pano kuturikira chinonzi pogroms of the Jews kuEnglish, izvi zvichidudzira kupfurutswa kukuru kwakaitwa maJudha munyika dziri kuMabvazuva kweEurope dzinosanganisira Russia, Ukraine, Belarus nePoland.

Izwi rokuti njandaya (brutal treatment) rinoreva kutambudzwa kukuru.

Njandanya muHutapwa hweRussia

Njandaya yemaJudha yakatanga apo Hupambi hweRussia hwakatapa matunhu akanga ava nehugari hwemaJudha vakawanda, izvi zvakaitika mumakore 1791-1835. Hurumemnde yeRussia yakatara matunhu aitenderwa kugarwa nemaJudha, matunhu aya akapiwa zita rokuti Rumanda rweHugari kureva kuti maJudha vakasungirwa kugara imomu chete. Njandaya huru yakaitika mumatunhu eRumanda rweHugari uye maJudha mazhinji vaisatenderwa kutamira kune mamwe matunhu ari kunze kwenzvimbo yakatarwa seRumanda rweHugari - Pale of Settlement.

Odessa, 1821

Njandaya yekutanga yaiva Njandaya yepaOdessa yakaitika mushure mekuurawa kweGregory V Mukuru weGreek Orthodox kuConstantinople. Njandaya iyi yakauraya maJudha gumi nevana (14). Vakavamba njandaya iyi vakanga vari maGreek avo vakanga vakawanda mumaguta anosvikira ngarava mudunhu reNovorossiya. Vamwe vanyori vanoti njandaya yekutanga ndiro bongozozo rakaitika 1859 paOdessa.

Mamwe Mazwi

• Kupfurutsa, kupfutsa (1. persecute, 2. to pursue with harassing or oppressive treatment) zvichireva kutambudza kana kunetsa.
• Kudidiritsa (Expel; drive away; dismiss many; Drive away one or many; making them run) zvichireva kudzinga kana kutanda.
• Nyatwa kana nhamo (trouble, distress, extreme affliction, tribulation).