Dhorobha

From Wikipedia
Jump to navigation Jump to search
Dhorobha

Guta (City; very large village of a chief, polis) zvinoreva nzvimbo yakakura yakagarwa nevanhu vakavaka dzimba nezvimwe zvivakwa. Gutaguru reZimbabwe rinonzi Harare; mamwe maguta anosanganisira, Bulawayo, Gweru, Mutare, Kadoma, Chinhoyi, Bindura.

Mamwe mazita anoshndiswa ndeekuti dhorobha kana kuti taundi.

  • Shoko rokuti taundi rinobva pana town kuEnglish.
  • Shoko rokuti dhorobha rinobva pana dorp kuAfrikaans.
  • Katungu zvinoreva musha uri kwawo wega kusina vamwe - isolated dwelling place.
  • Chivakamberi cheEnglish chokuti -polis chinodudzirwa kunzi a combining form meaning city.
  • Izwi reEnglish rokuti polity rinodudzirwa richinzi a state or other organized community or body. Dudziro iyi yakafanana nechita.

Nhoroondo[chinja | edit source]

  • Mukutaura kwakare guta zvinoreva musha waShe, uyu uri musha wakakura ungadzi zvakare nzanga.
  • Ko iwo mazita anoti Chizanga naKazangarare anomborevei? KuChewa izwi rokuti mnzanga (my companion) rinoreva shamwari yangu.

Gutaguru[chinja | edit source]

Nyika imwe neimwe ine guta rakasarudzwa kuti rive ndiro gutaguru. Kazhinji guta iri ndiro rinenge rakavakwa hofisi dzemutungamiri wenyika uye hofisi dzemakurukota ehurumende yenyika iyi. Munyika dzakawanda gutaguru ndiro rine hugari hwevanhu vakawanda kudarika mamwe maguta ose enyika iyi. Asi mune dzimwe nyika zvinoitika kuti guta guru harisiro rine hugari hwevanhu vakawanda kudarika mamwe maguta ose enyika iyi. Somuenzaniso gutaguru reNigeria rinonzi Abuja rine hugari hwevanhu 776,298 asi guta reLagos rine vanhu vanosvika 7,937,932. Kunyika yeCanada gutaguru reko Ottawa rine hugari hwevanhu 883,391 asi guta reToronto riine hugari hwevanhu 2,615,060; kureva kuti huwandu hwevanhu muToronto hwakapetwa kana kudarika Ottawa.

Mamwe Mazwi[chinja | edit source]

  • Muzinda rinokwanisa kureva capital city zvakare.
  • Nzetete (very large town).
  • Jarati (large town).
  • Gute (act of surrounding) zvichireva kukomberedzwa nevanhu.
  • Chita (confratenity, congregation, association, assembly) zvichireva boka revanhu, sokuti chita chevarimi.
  • Gutumukutu kana magutumukutu (Very : large number or amount of things.

Mitauro yeBantu[chinja | edit source]

Zvichida mazwi emitauro yeBantu aya anokwanisa kuturikira chinonzi polis, polity, policy, politics, politician kuEnglish.

  • Izwi rokuti mzinda (a capital; a town; a city) rinotaurwa mururimi rweChewa.
  • VaChewa vanoti anzinda kana wanzinda (citizen).
  • VaKongo vanoti mbanza (metropolis).
  • VaChewa neSwahili vanoti mkutano (a meeting) kureva musangano.
  • VaWanga vanoti itokho (chief’s village; the seat of government; the capital) vachireva musha waShe kana muzinda.