Gonhi

Gonhi

Gonhi (door) zvinoreva chivakwa chinoshandiswa kuvhara mukova. Kazhinji gonhi rinogadzirwa nemapuranga akavezwa, asiwo rinokwanisa kugadzirwa nesimbi, kana plastic yakasimba.

Mamwe mazita anodavidzwa ndiwo anoti, sasa, dhowo kana kuti dimba kuchiManyika.

• Dimba (door-step, a doorsill, door, threshold). Iri shoko ringakwanisa kuzoshandiswa kuumba mazwi anodudzira zvinonzi electrode, anode, cathode kuEnglish.
• Musuwo, musuo kana muko (the entranceway to a room, building, or passage) apa kureva nzvimbo iri panopindwa napo mungava mumba, muchivakwa kana mubiravira.
• Gwatidziro kana muziyo (door-post).
• Sasa rairukwa netsanga. Vamwe vanoti ruvi pahuwandu voti nduvi. Ziruvi ukagova mutupo wevanhu.
• Mbindirira kana bindirira isuwo riri mukati memba risingabude kunze.
• Mukova, ngamo kana njemo (doorway, access, open yard on a homestead).
• Biyo (poles put across a gate) chitanda chaishandiswa kuvhara chakatandarika pagonhi kana pamusuwo. Mapiyo pahuwandu.
• Kukwedekera (guarded and/or made stronger so that it is difficult for people to enter or leave (e.g. door).
• Mbwa kana imbwa (Wedge). Gamha gonhi neimbwa: hold the door using the wedge.
• Kupotera (to enter) apa zvichireva kupinda - izwi rinobva kuChiNdau.

Kurerutsa Mutauro

• Mbudo, rubudiro (Exit) igonhi rinoshandiswa kubuda naro panzvimbo.
• Mbindo, rupindiro (Entrance) igonhi rinoshandiswa kupinda naro panzvimbo.

• Mbudo panjodzi (Emergency Exit) igonhi kana nzira inoshandiswa kubuda panguva yokunge munhu atarisana nenjodzi.
• Chikumbatidzo kana chidimbare (lintel).
• Zambara (entrance, gateway, big gate).
• Psalm 118:20 Uyu ndiwo musiwo waMambo Mwari, vakarurama vanozopotera ndiwo: this is the gate of the Lord through which the righteous shall enter - (kubva kuBhaibheri reChiNdau).

Zvirevo

• Mizhezhekedzwa ndiyo inosukudza. Creaking doors hang longer (than anticipated).

Mazwi eBantu

• [[VaTumbuka] vanoti chijala (door) kureva gonhi.
• VaKongo vanoti zambala (n. fringe). VaMaconde vanoti nango (n. door) vachireva gonhi kana musuwo.
• VaNyungwe vanoti msuwo (n. door) kureva musuwo.
• VaKikuyu vanoti muromo kana miromo (n. door; gate; ingress) kureva musuwo.
• VaWabo vanoti musuwo kana misuwo (n. door) kureva musuwo.