Harare

From Wikipedia
Jump to: navigation, search
Harare
Salisbury (former official name)
City
Skyline of Harare, Capital of Zimbabwe
Skyline of Harare, Capital of Zimbabwe
Flag of Harare
Flag
Coat of arms of Harare
Coat of arms
Nickname(s): Sunshine City, H Town
Motto: Pamberi Nekushandira Vanhu (Forward with Service to the People)
Harare is located in Zimbabwe
Harare
Harare
Coordinates: 17°51′50″S 31°1′47″E / 17.86389°S 31.02972°E / -17.86389; 31.02972Coordinates: 17°51′50″S 31°1′47″E / 17.86389°S 31.02972°E / -17.86389; 31.02972
Country Zimbabwe
Province Harare
Founded as Fort Salisbury 1890
Incorporated (city) 1935
Renamed to Harare 1982
Government
 • Mayor Bernard Manyenyeni[1]
Area
 • City 960.6 km2 (370.9 sq mi)
Elevation 1,490 m (4,890 ft)
Population (2009)
 • City 1,606,000
 • Density 2,540/km2 (4,330/sq mi)
 • Urban 1,619,000 (March '13)[2]
  estimated
Demonym Hararean
Time zone CAT (UTC+2)
Area code(s) 4
Twin cities
 • Nottingham United Kingdom
 • Munich Germany
 • Cincinnati United States
 • Prato Italy
 • Lago Italy
Website http://www.hararecity.co.zw
Dialling code 4 (or 04 from within Zimbabwe)
Harare

Harare ndiro guta guru reZimbabwe. Guta reHarare riri pamuyeramwaka 17°51′50″S uye pamuyeranhambo 31°1′47″E. Zvinofungirwa kuti muguta reHarare chaimo mune vanhu 1,606,000 (2009), pachiva nevanhu 2,800,000 (2006) mumetropolitan area yayo. Mukutongwa, guta reHarare rinovawo guta rinozvitonga rinofananidzwa nedunhu. Harare ndiro guta rakakurisa muZimbabwe yose. Muguta umu munotengeswa nokutengwa zvinhu zvakaita sefodya, chibage, donje nemichero unonzi pachirungu, macitrus fruits. Hushangazhi hurimo hunosanganisira zvesimbi, machira nemakemikaru (chemicals). Munharaunda yeguta munocherwa goridhe.

MuHarare ndimo munowanikwa Yunivhesiti yeZimbabwe, inova iyo yunivhesity ikuru zvakanyanya munyika yeZimbabwe. Yunivhesiti yeZimbabwe inowanikwa mumusha weMt Pleasant, unovawo makiromita matanhatu kubva pakati peguta. Guta iri rine misha yakawanda, mimwe yacho inochengeta mazita ayakapihwa munguva yekutongwa kwevarungu, yakaita seWarren Park, Borrowdale, Eastlea, Highfields nemimwewo. Guta reHarare rinova nenhandare yendege inonzi Harare International Airport.


Nhoroondo yeHarare[chinja | edit source]

Boka remawuto rainzi Pioneer Column, vaishandira Cecil Rhodes ndivo vakavaka guta reHarare kutanga 12 Gunyana 1890. Vakapa guta iri zita rokuti Fort Salisbury, iri ranga riri zita raPrime Minister weBritain panguva iyoyo. Zita reguta rakazopfumbira richinzi Salisbury. Musha uwu wakaitwa "municipality mugore ra 1897 ukazogadzwa kuva guta mugore ra1935.

Salisbury ndiyo yakava guta guru remubatanidzwa weRhodesia neNyasaland (Federation) kubva pagore 1953 kusvika 1963. Zvichizoenda mberi rakanga rava guta guru reSouthern Rhodesia. Hurumemde yaIan Smith yakasarudza kuzvitonga ichibva pasi peUnited Kingdom musi wa 11 Mbudzi, 1965 ikabva yapa nyika zita rokuti Rhodesia muna 1970. Nyika yakazonzi Zimbabwe-Rhodesia kwenguva diki muna 1979-1980. Musi wa 18 Kubvumbi 1980 Zimbabwe yakawana kuzvitonga ichitongwa nevatema vaitungamirwa naRobert Gabriel Mugabe. Asi guta rakaramba richinzi Salisbury kusvika muna 1982.

Zita reguta rashandurwa rikanzi Harare musi wa 18 Kubvumbi 1982 pamhemberero dzechipiri dzekuzvitonga kweVatema muZimbabwe. Zita iri ndiro zita raShe wenzvimbo yakavakirwa guta ainzi Neharawa. Vamwe vanoti Ishe uyu aive nezita rokurumbidzwa rokuti "Haarari"; Varungu vangatadza kutaura zita iri vachiti Harari. Kunonzi Ishe waiva akachenjera panyaya dzehondo zvokuti hakuna muvengi aimunyangira akamukunda - saka akapiwa zita rokuti "Haarari". Neharawa aiva neNharire yake pavakunzi paHarare Kopje mazuvano. Munguva yokunge nyika isati yasununguka musha weMbare ndiwo waidanwa kunzi Harare.
Cite error: <ref> tags exist, but no <references/> tag was found