Guta

From Wikipedia
Jump to: navigation, search

Guta (City in English) zvinoreva nzvimbo yakakura yakagarwa nevanhu vakavaka dzimba nezvimwe zvivakwa. Gutaguru reZimbabwe rinonzi Harare; mamwe maguta anosanganisira, Bulawayo, Gweru, Mutare, Kadoma, Chinhoyi, Bindura.

Mamwe mazita anoshndiswa ndeekuti dhorobha kana kuti taundi.

Shoko rokuti taundi rinobva pana town kuEnglish.

Shoko rokuti dhorobha rinobva pana dorp kuAfrikaans.

Katungu zvinoreva musha uri kwawo wega kusina vamwe - isolated dwelling place.

Nhoroondo[chinja | edit source]

Mukutaura kwakare guta zvinoreva musha waShe, uyu uri musha wakakura ungadzi zvakare nzanga.

Gutaguru[chinja | edit source]

Nyika imwe neimwe ine guta rakasarudzwa kuti rive ndiro gutaguru. Kazhnji guta iri ndiro rinenge rakavakwa hofisi dzemutungamiri wenyika uye hofisi dzemakurukota ehurumende yenyika iyi. Munyika dzakawanda gutaguru ndiro rine hugari hwevanhu vakawanda kudarika mamwe maguta ose enyika iyi. Asi mune dzimwe nyika zvinoitika kuti guta guru harisiro rine hugari hwevanhu vakawanda kudarika mamwe maguta ose enyika iyi. Somuenzaniso gutaguru reNigeria rinonzi Abuja rine hugari hwevanhu 776,298 asi guta reLagos rine vanhu vanosvika 7,937,932. Kunyika yeCanada gutaguru reko Ottawa rine hugari hwevanhu 883,391 asi guta reToronto riine hugari hwevanhu 2,615,060; kureva kuti huwandu hwevanhu muToronto hwakapetwa kana kudarika Ottawa. Rimwe shoko ringashandiswa kuturikira capital city nderekuti guta nhengedzwa - apa kureva guta riri pamusoro pemamwe pachimiro chekuvakwa kwaro kana kukosheswa kwemabasa anoitwa mariri.