Mwedzi (mutumbi)

From Wikipedia
(Redirected from Mwedzi (mudenga))
Jump to: navigation, search
Kuonekwa kweMwedzi paJenaguru remusi wa14 November 2016

Mwedzi (moon) mutumbi uri muchadenga unopoterera Earth kamwe pamazuva makumi maviri nemanomwe (28). Mwedzi une boterekwa rinopoterera Rinopasi uchiita dendera rimwe (1) pamazuva 28.

Nhevedzwa dzeMwedzi[chinja | edit source]

Mhindo (last quarter) - aya mazuva gumi okupedzesera panhevedzwa dzemwedzi. Mwedzi waenda kumhindo: the moon is waning. Pamazuva echiseremkusvika rechipfumbamwe pamhindo anonzi mwedzi wafa.


Kugara kweMwedzi kamwe pamazuva 29.5 - kuEnglish nguva iyi inonzi new moon. Kugara kwemwedzi kunoitika apo zuva nenyika zvinenge zviri kumativi akapesana emwedzi, iwo mwedzi unenge uri pakati. Kana zvadai, divi remwedzi riri pedyo nenyika rinenge riri murima, nokudaro mwedzi unenge usingaoneke kubwinya pano panyika. Panguva iyoyi mwedzi unobuda panguva imwecheteyo inoyedza zuva, izvi zvoreva kuti kubwinya kwezuva kunokurira mwedzi, iwo mwedzi woshaya kuonekera pano pasi.

Kudzikatidzwa kwemwedzi (eclipse of the moon) zvinoreva kuvhariridzwa kwemwedzi kunoitika kana zuva, Rinopasi, nemwedzi zvanangana zviri pamutsetse wakati twasa; apa Rinopasi rinenge riri pakati pezuva nemwedzi. Chinoitika ndechekuti mwedzi unenge usisa tambire chiedza chinobva kuzuva, chinova icho chinoonekwa sechadzera pakupenya kwemwedzi manheru. Kana zvadaro mwedzi unoenda murima kwechinguvana, kusvika mitumbi mitatu iyi yapesana pasisina kuvharidzirwa kwechiedza chinobva kuzuva chinoita chadzera chinopenyesa mwedzi.

Kurerutsa Mutauro[chinja | edit source]