Kukotsira

Kukotsira

Mwana akakotsira kumusana kwaAmai wake

Kukotsira (Chirungu: sleeping) kuvata kana kurara zvinoreva nguva iyo munhu anobatwa nehope orara kana kuenzera pangava pamubhedha kana pachigaro kana papi apo angakotsira ari. Vawongorori vanoziva nevehutano vanoti munhu mukuru anofanirwa kukotsira maawa manomwe kusvika masere 7-8 pazuva rimwe. Nyanzvi dzinotizve pahugaro hwake hwose munhu anenge akakotsira kwenguva inokwana kusvika zvikamu makumi matatu nenhatu pazana (33%).

Mamwe Mazwi

• Kupepuka kana kubepura zvinoreva kumuka kubva kuhope. Sokuti ndapepuka pakati pousiku.
• Makope zvinotaura maererano nemakotsiriro anoita munhu. Mumwe anganzi ane makope etsuro kureva kuti anokotsira akavhura maziso setsuro.

• Maji kana manhede zvinotaura munhu akarara nomusana. Shoko rokuti manhede rinoshandiswawo kana munhu awa nemagotsi kana kuti ari kushambira akatarira kunenga- back stroke.
• Kutsivama (to lie facedown) kurara wakatarisa pasi.
• Kudedemadza (Make to lie on back. Turn over onto back. Incline backwards). Dedemadza hamba: turn the tortoise onto its back. Kudedemara (Lie on back)
• Kutsumwaira, kudzimwaira kana kutsimwaira (doze off, take a nap).
• Uvato (sleeping place).
• Kuenzera, kuyenzera, kurinda, kuvata, kutsenama.
• Kukondeka (to sleep) apa zvichireva kurara hope. Tichandokondeka hope kana tasvika pamana redu: we shall go to sleep when we reach our home.
• Kukubura kana kupfodora (Sleep deeply).

Tsumo

• Katumba kausarara usatanga wakatenda. A cottage in which you have not slept yet you should not praise.
• Ndisvike-ndisvike inoradza vazhinji panzira.

Mitauro yeBantu

• VaZigula vanoti tongo kana matongo kureva hope. Mamwe mazwi: kusakugona (n. sleepless) kureva kushaiwa hope.
• VaNyungwe vanoti -phepuka (awake) zvichireva kupepuka. VaBukusu vanoti siikonelo (n. bedding) zvichireva pekurarira.
• VaHerero vanoti tata kana vandama (lying prostrate). VaGulu vanoti kugonesa (v. lay) kureva kuradzika.
• VGiryama vanoti kukunukira (v. dzose) vachireva kutsimwaira. Mamwe mazwi: kukunukiza (v. to make drowsy). Kinande vanoti otulo kana obupyame (n. sleepiness) kureva hope.
• VaWanga vanoti okhuyenzera (be flat; be level; lie still; be stagnant; be calm) vachireva kuti chechetere. Mamwe mazwi: okhuyenzesia (flatten; calm; quieten; knock down flat).