Gonyaina

Muchidzidzo chePimanzvimbo gonyaina imhando yegonyazhinji ine mativi mana nemakonya mana. Makonya emukati megonyaina anohwerengedzwa kusvika pa 360^o.

Gonyaina dzemhando yeGonyaina Sambamba

Gonyaina sambamba chiumbwa chine mativi mana; mativi maviri akatarisana anenge akati sambamba uye anenge akaenzana. makonya maviri akatarisana anenge akaenzana. Zvimwe zvinoonekwa ndezvekuti danhamakonya mbiri dzinochekana kuita zvikamu zviviri zvakaenzana. Zviumbwa zviri mumupanda wegonyaina sambamba zvinosanganisira: tsazano; gonyaina tsazamativi uye gonyaina tsazamakonya.

Tsazano (Square) iri shoko rinoreva chiumbwa chine mativi mana ose akaenzana negonya ina dzose dzakaenzana. Tsazano iri pamupanda wegonyaina.

Gonyaina tsazamativi (Rhombus) - iri izwi rinoreva gonyaina rine mativi akaenzana nhambwe. Gonya dzakatarisana mukati dzinenge dzakaenzana zvakare. Chiumbwa ichi chine madanhamakonya maviri anochekana negonya re 90^o. Tsazano iri pamupanda wegonyaina tsazamativi zvakare.

Gonyaina tsazamakonya (Rectangle) - iri izwi rapiwa kureva chiumbwa chine makonya mana ose akaenzana; gonya rimwe nerimwe riine 90^o. Mativi maviri akatarisana anenge akaenzana uye akati sambamba. Tsazano rinogona kupinda pamupanda rechiumbwa ichi asi kazhinji tinosarudza kuti tsazana rimire roga.

Gonyaina dzisiri Gonyaina Sambamaba

Gonyaina sambambiri (Trapezium, trapezoid) - sokutaura kwezita racho, chiumbwa ichi chine mativi mana; zvakare chine mativi maviri akati sambamba.

Kayiti (Kite) imhando yegonyaina ine peya (pair) mbiri dzemativi anotevedzana akaenzana. Izvi zvinoreva kuti danhamakonya rimwe rinokamura kayiti kuita gonyanhatu mbiri dzakaenzana; dzine chidzudzani (congruency).