Chipfuva

Chipfuva (chest) kana kuti dundundu chikamu chemuviri chiri pakati pedumbu nemutsipa. Chipfuva chine mbabvu pasi pacho dzakavhara nhengo dzinoti: moyo; mapapu; nedzimwewo.

Mune vamwe varume dundundu rinomera vhudzi; zvakare dundundu rakasimba rine mhasuru chishongo chinodadisa kuvarume. Vamwe varume vanoita shishi rokusimudza simbi dzinorema kuti mhasuru dzedundundu nedzemawoko dzikure dzive chidadiso.

Muvakadzi dundundu ndiro rinomera mazamu. Mazamu zvakare chishongo kumukadzi mutsika dzemarudzi akawanda; mazamu anonzi ayevedze kumurume.