Zizi

From Wikipedia
Jump to: navigation, search
African Wood Owl (Strix woodfordii) perched on branch.jpg

Zizi kana mbore (owl in English) ishiri inowanikwa kuzviwumbe zvose kunze kweAntarctica; zizi rinowanikwa mumarudzi mazana maviri (200). Zizi rinoverengwa sechikara chinodya dzimwe mhuka. Mazizi anodya tupembenene; dzimwe shiri uye mhuka ndiki dzepamupanda wedzinoyamwisa. Zizi kazhinji rinogara rega uye rinofamba husiku.

Chimiro cheZizi[chinja | edit source]

Mazizi ane maziso mahombe ari pamaberi pechiso kwete kumativi emusoro sedzimwe shiri dzinovhima. Maziso ezizi hakafamba saka rinofanira kutenderedza musoro wese kana roda kuona nerimwe divi. Zizi rinozivikanwa nokugona kumonyorora mutsipa negonya rinokwana kusvika 270o kurudyi nekuruboshwe.

Zizi rine maziso anoona zviri kure asi harikwanise kunatsa kuoona zviri pedyo macentimteres mashoma kubava pariri. Saka kana rodya rinoshandisa mukushe ari pamuromo waro kutsvaka kuti chikafu chariri kudya chiri papi chamira sei. Asi maziso aro anowona kure anobatsira zvakanyanya parinovhima husiku.

Tsumo[chinja | edit source]

  • Zizi kurungwa munyu roti, "Ndava hukuwo".
  • Kwave kutondomeka kubara kwamazizi. It’s just like squatting in the way owls bear chicks. Apa kureva - One may do things that they do not believe in or care about but have to do it none the less.
  • Chiripo chariuraya, zizi harifi nemhepo. Apa kureva - Hakuna chiitiko chinoitika pasina chikonzero.
  • Chimene chezizi parafamba ranzi muroyi; Zizi kufamba usiku hanzi muroyi. Apa kureva - Munhu kana aine rushambwa kana munyama zvakanyanya, zvinongonzi zvose zvaitika zvakashata ndiye atadza kana kuzvikonzeresa.