Ngoma

Ngoma chiridzwa chinogadzirwa nedanda rine mhango pakati rinokakwa dehwe kune rimwe divi kana kuti mativi ose. Ngoma inoridzwa nemaoko kana nezvimiti.

Mhando dzeNgoma

• Nguri (A kind of drum).
• Chiharamba kana dandanda (Short drum(made from hollowed-out section of tree-trunk).
• Dumba (Drum).
• Gandira (type of drum hung from the neck) mhando yengoma inoridzwa yakarembedzwa muhuro.

Tsumo netsika

• Kangoma kanorira kachiti kwangu kwangu - apa kureva kuti munhu kana achitaura anonatsa zviri kudivi rekwake.
• Kangoma kunyanya kurira kanotsemuka.
• Akaimba muimbi Oliver Mtukudzi - Pfavira ngoma zimhandara husiku hurefu.
• Ngoma muridzi wayo. The (sound of the) drum depends on the drummer.
• Ngoma muna wayo. The drum is (dependent on) its owner.
• Chingoma chiririsi ndicho chiparuki. The drum that sounds loudly is the one that bursts.
• Pfavira ngoma, husiku hurefu. (Be calm and take your time to do things).
• Kuridza ngoma nedemo: (to beat the drum with an axe) - zvinoreva kuita zvinhu nenzira inokuvadza. Nokumwe kutaura tingati munhu ari kuita izvi ave kufarisa.
• Iye ngaaridze nhumba, mumwe agomukaya nemhingudzi: let him play the tall drum and another alternate with the small drum.
• Mukutaura kwemazuvano mangoma zvinoreva nziyo zvikurusei nziyo dzemafaro dzakaita semuseve; ragga, reggae zvichingodaro.

Mitauro yeBantu

• Nyanja vanoti kuomba ngoma (to beat the drum; play the drum), kuridza ngoma. Nyaneka inoti ngoma (n. drum) kureva ngoma.
• Zigula inoti kuwamba (stretching leather or skins) kureva kutatamura dehwe. Sokuti: Chiwamba ngoma mbiri. (We stretched two drumheads).
• Zigula inoti kuwambika (be stretchable - of leather or skins), kutatamuka kwedehwe. Kinande inoti omuhinda (n. a big drum) ingoma huru.
• Venda inoti -omba (beat a drum) kureva kuridza ngoma. VaYao vanoti likunda (a large drum) vachireva ngoma huru.
• Bunoge inoti tùmbá bò (is short) kureva kupfupika. Mamwe mazwi: tùmbù kureva kupfupika. Fananidzai nokuti nhumba kana Dumba.