Mutambo weTsoro
Tsoro kana fuva mutambo unotambirwa mumakomba akafukurwa muvhu nematombo anenge akarongerwa mumakomba makare. Makomba aha anocherwa ari mizera mina, kwakaita makomba manomwe pamuzera.
Mutemo weTsoro
[chinjirudza | chinjirudza mabviro]- Mutambi anopihwa makomba ake ari mumitsara miviri.
- Makomba emutambi mumwe anokwanisa kuva manomwe kana kuwanda kusvika makumi mana kudivi rake.
- Gomba rimwe nerimwe rinodyarwa matombo akawanda zvakaenzana panotanga mutambo wetsoro. Matombo angava maviri matatu kana mana zvichibva pakuti vatambi vasarudza zvipi.
- Chinangwa cheMutambi wetsoro ndechekutapa matombo emukwikwidzani.
- Mutambi anovamba kutamba anosarudza gomba rekutangira ononga matombo egomba iri achigovanisa mumakomba akatevadzana kudivi rake. Pakugovanisa uku mutambi anotevera divi rimwe riova ndiro raachafamba naro kusvika mutambo uchipera.
- Kana dombo rekugumisira rakawira kumutsara weshure mugomba rine mamwe matombo, mutambi anonongeredza gomba iri achipfuurira mberi nekugovanisa achitevedza divi ravambwa naro.
- Kana dombo rekugumisira rakawira kumutsara wemberi, mutambi anotapa matombo emukwikwidzani ari mudungwe rimwero rawira dombo rekugumisira.
- Chijana chekutamba chinoguma kana dombo rekugumisira rawira mugomba reshure risisina dombo kana kuti mugomba remberi rakanangana nemakomba emukwikwidzani asisina dombo.
- Mutambo wetsoro unopera apo mumwe wevatambi anokwanisa kutapa matombo ose emukwikwidzani.
- Mutambi akunda ndeuyo anokwanisa kutapa matombo ose.
Mitauro yeBantu
[chinjirudza | chinjirudza mabviro]- VaGungu vanoti lusoro kana nsoro (checkers, draughts) - zvichida kureva mutambo wetsoro.
- Zambia vanoti isolo kureva mutambo wetsoro. Malawi vanoti ntchuva kureva mutambo wetsoro.
- Xitsonga vanoti ncuva kureva mutambo wetsoro. Fananidzai nokuti njuga.
- Sangho vanoti soro (v. choose, sort; n. choice, sorting, selection) kureva kushara.
- Kimbundu vanoti kusola (v. choose; opt) kureva kushara.