Chiremba

From Wikipedia
Jump to: navigation, search
Examination of a boy in Kenya.jpg

Chiremba (medical doctor in English) munhu akadzidza basa rehurapi zvikurusei akaenda kuUniversity makore mashanu zvichienda mberi. Ana chiremba vazhinji vanotanga basa vaverenga MBChB degree kana Bachelor of Medicine and Surgery.

Izwi rekuti Chiremba rakabva kurudzi revanhu vaye vanonzi Varemba (the Lemba people). Vanhu ava vaigara kunzvimbo yeGreat Zimbabwe vachibatsira pakurapa uye pakuvaka. Nhoroondo dzevaremba dzinoti vanhu ava vakabva kunyika yeIsrael, vakaenda nekuYemen, ndokuzouya kuZimbabwe nekunedzimwe nzvimbo dzakatenderedza.

Kuti "Chiremba," zvakabva pakamucheka kana kuti kashinda kanoshandiswa nevaRemba mushure mekunge vachecheudzwa. Kamucheka aka kane basa rekuti ronda rekuchecheudzwa (circumcision) rikasire kupora sezvo kachiita kuti nhengo yechirume isagumhane nemuviri.

Zita rekuti Chiremba rakazobva panhau iyoyi yekuti vaRemba vaive nembiri yekurapa.