Kukorora Simbi

From Wikipedia
Jump to: navigation, search

Kukorora simbi (metal extraction in English) zvinoreva kuita mabasa eshandura dzinobuditsa simbi kubva muchitofu, hutapiri hwesimbi huchiwedzerwa kudzamara simbi yasvika pakunatswa.

Mazwi anoshandiswa[chinja | edit source]

Mhandamabwe michina inobanda matombo echitofu. Matombo anenge abva pasi pemugodhi kuti anotsemurwa kuti ave madiki. Matombo echitofu anenge aputitswa pasi pemugodhi anobuditswa akakura kuita 20-50 cm. Matombo aya anotsemurwa neshaya (dzesimbi hukutu) dzemhandamabwe dzinorova nekumanika matombo aya pakati, izvi zvichikonzera matombo aya kuti atsemuke. Panozopera basa remhandamabwe, matombo anenge apwanyiwa atsetseka kuita 2-5 cm.

Chigayo (Mill in English) muchina unotsetsa chitofu chinenge chabva kubandwa ne mhandamabwe. Chitofu chinotsetsewa kusika chaita sejecha chiine tsanga dziri pasi pe 100 micrometer.

Kutapidza zvinoreva kupatsanura muchegwa wakakosha nemuchegwa wemanyara. Muchegwa ndiwo matombo akatakura simbi; aya matombo anochengetwa achipinda mune dzimwe shandura dzinowedzera hutapiri hwesimbi. Chinangwa chekutapidza ndechekuti pakupedzisira simbi ive ine hutapiri hunoramba huchikwira kudzamara yasvika pakunatswa.

Muchegwa wemanyara (gangue mineral) zvinoreva muchegwa uri muchitofu unoraswa nokuti hauna mari. Mambara ndiwo matombo asiri kudiwa asina kukosha; aya matombo anoraswa kumotoro achingobva pasi pemugodhi.

Kunatsa zvinoreva kuchenesa simbi kunobvisa manyara asingadiwe musimbi iyi. Kunatswa kunonyanya kutaurwa kana simbi yava kusvika pahutapiri hungaita 90% yesimbi. MuZimbabwe tine: Bindura Smelter and Refinery; Empress Nickel Refinery; Zimasco; ZimAlloys, dzinova Kambani dzinonatsa simbi.