Gudo

From Wikipedia
Jump to: navigation, search
Papio cynocephalus02.jpg

Gudo (baboon in English) imhuka yemusango yakafanana netsoko. mkudo ane mumhu unosiyana zvichienderana nerudzi rwegudo racho. makudo ari kuGuinea akareba 50cm uye ane huremu hunoita 14kg; makudo ari kuno kuChamhembe kweAfrica akareba 120cm uye ane huremu hunoita 40kg.

Tsumo[chinja | edit source]

  • Gudo guru peta muskwe vapwere vagokuremekedza.
  • Charovedzera charovedzera gudo rakakwaira mawere kwasvipa.
  • Jerandoga zvinoreva mukono wegudo unogara woga. Izwi iri rinoshandiswawo kutaura handira kana dzimwewo mhuka dzinogara dzoga. Vamwe vanoti mhuka inodya yoga inonzi mberera - iyi ingava mhuka yerudzi chero.


Zvinoita sekunge gudo rakabata pfungwa dzevanhu kunyanya nemaitiro aro kana kuti maramiro aro. MuChiShona gudo rine mazita akanyanya kuwanda. Mamwe mazita ndiwo anoti: bveni; diro; dede. Pahuwandu anonzi matete

Muimbi Oliver Mtukudzi wakaimba, "Gudo munorivengerei, gudo haridye husiku? Nhunzi wawapumha ndiye anopa zvirwere".


Mazita emhuri nenzvimbo[chinja | edit source]

Kune mazita emhuri ane chitsama ane chekuita negudo. Mamwe ndiwo anoti: Nyamapfeni, Dirorimwe, Jerandoga, Chiro, zvichingodaro (zvd).