Chirwere cheCoronavirus 2019

Chirwere chehutachiona hweCorona 2019 (COVID-19) chirwere chinowanikwa kubva kumunhu ane hutachiona hwecorona hwakasimba (Severe Acute Respiratory Syndrome Coronavirus 2) otapurirawo vamwe vanhu. ^[1] Hutachiona hunogona kupararira chete nekuswedera pedyo nemunhu ane hutachiona, kana kubata madziro akatapukirwa nehutachiona wobata maziso, mhino kana muromo. Kazhinji, hutachiona hunopararira kuburikidza nemadonhwe anobuda pakufema kwemunhu ane hutachiona kana achinge akosora kana kuhetsura. Chero ani zvake ari pedyo zvakakwana (less than 1.8 meters) nemunhu anenge ahetsura kana kukosora ane hutachiona anogona kutapukirwa nehutachiona. Neimwe nzira munhu anogona kubata hutachiona nekuda kwekubata madziro akatapukirwa nehutachiona obva abata maziso, nzeve kana mhino asina kushambidza maoko ake. ^[2]

Mabviro

Chirwere ichi chakatanga kuonekwa nekuzivikanwa muWuhan, guta guru redunhu reHubei kuChina, kutanga kwa 2019. Kubva ipapo, chirwere ichi chakapararira pasi rese. Musi wa 11 Kurume 2020, World Health Organization yakazivisa chirwere ichi kuti idenda. Denda chirwere chapararira kumatunhu makuru epasi kana pasi rese. Nyika dzakanyanya kusangana nehutachiona dzakasangana nekufa kwakanyanya uye nekumanikidzwa kwakasimba pamaitiro ezve hutano. Mukuru mukuru we World Health Organisation-General, Tedros Adnahom Ghebreyesus akataura kuti, “Uku hakusi kungori kwehutano hweveruzhinji, idambudziko rinobata dunhu rega rega - saka dunhu rega rega uye munhu wega wega anofanira kupindirwa muhondo iyi.”

South Africa

Pari zvino kune vanhu ( sezvazviri 8 Kubvumbi 2020) 1845 vakavhenekwa vakaonekwa vane hutachiona hweCorona muSouth Africa. Vanhu gumi nevasere vafa mushure mekutapukirwa nechirwere ichi, uku vanhu 45 vakapora. Maererano nebazi reNational Department of Health, “Fungidziro dzazvino dzinofungidzira kuti hutachiona hunogona kukanganisa makumi matanhatu muzana veSouth Africa pane imwe nguva, asi kwete panguva imwechete.” ^[3] Kudzivirira kupararira kwechirwere ichi, nyika yose yakavharwa zviri pamutemo kubva musi wa 27 Kurume 2020. Pamusoro pezvo, mutungamiri wenyika vaRamaphosa vakapa chiziviso nomusi wa30 Kurume 2020 kuti vashandi vehutano 10 000 vachasangana voziviswa kuti vashanyire dzimba vachivheneka vanhu hutachiona. ^[4]

Zviratidzo uye kurapwa

Kazhinji zviratidzo zvehutachiona zvinosanganisira kukosora, kupisa miri, kuneta uye kuzarirwa. Zvimwe zviratidzo zvinosanganisira kurwadziwa nemhasuru, kuita madzihwa akawanda, manyoka, kurwadziwa pahuro, kurasikirwa nemunhuhwi uye kurwadziwa mukati kati. Kana munhu akabatwa nehutachiona hwecorona, zviratidzo zvinogona kuoneka kubva pamazuva 2 kusvika ku 14 mushure mekutapukirwa, asi vamwe vanhu vanoratidza zviratidzo izvi pamazuva 5 mushure mekutapukirwa.Vanhu vazhinji vanongoratidza zvakapusa. Munezviitiko zvakakomba, hutachiona hunogona kukonzera mabayo uye kukundikana kwenhengo dzemuviri. Zviratidzo zvakakomba zvinoda kurapwa nekukurumidza. ^[5]

Vanachiremba vanoedza coronavirus nekuwana nasal swab kubva kumunhu anofungidzirwa kuti ane chirwere. Izvi zvinozivikanwa se nasopharyngeal swab. Chirwere ichi chinogona zvakare kuongororwa uchishandisa CT scan. Kana munhu akaonekwa aine hutachiona, anoendeswa muchipatara uye anosiyiwa kubva kune vanhu vane mulondombera. Kunyangwe hazvo parizvino pasina mushonga weutachiona, vanhu vazhinji vachapora chirwere ichi kana vakawana kurapwa kwakanaka.

Kudzivirira

Iko kupararira kwechirwere kunonyanya kudzivirirwa nekuchengetedza nzvimbo iri kure kubva kune vamwe vanhu nekudzivisa mapoka kana nzvimbo dzakazara vanhu. Izvi zvinozivikanwa sekudyidzana kwenzanga. Kana kusangana kusingadzivirirwe, kushandiswa kwemaski kumeso (kana kufukidza zvikosoro uye zvinotsvedza netauro kana kuti ruoko rwemukati) nekupfeka magurovhosi kunokurudzirwa. Pamusoro pezvo vanhu vanofanirwa kushambidza maoko avo nguva dzose nesipo kana seanonwa-doro-ruoko sanitiser kwemasekondi makumi maviri. Pakupedzisira vanhu vanorairwa kuti varege kubata kumeso kwavo nemaoko asina kushambwa. ^[6]

References

↑ World Health Organisation. Naming the Coronavirus disease (COVID-19) and the virus that causes it. Available at:https://www.who.int/emergencies/diseases/novel-coronavirus-2019/technical-guidance/naming-the-coronavirus-disease(covid-2019)-and-the-virus-that-causes-it. Retrieved 31 March 2020.
↑ “Coronavirus Disease 2019 (COVID-19)-Transmission"www.cdc.gov Retrieved 31 March 2020.
↑ National Department of Health official government COVID-19 support service. Accessed via WhatsApp 0600 123456 on 31 March 2020.
↑ SABC NEWS. Special Broadcast. 31 March 2020.
↑ “Symptoms of Novel Coronavirus (2019-nCOV" www.cdc.gov. Retrieved 31 March 2020.
↑ “Advice for public.” World Health Organisation (WHO). Retrieved 31 March 2020.

[1] World Health Organisation. Naming the Coronavirus disease (COVID-19) and the virus that causes it. Available at:https://www.who.int/emergencies/diseases/novel-coronavirus-2019/technical-guidance/naming-the-coronavirus-disease(covid-2019)-and-the-virus-that-causes-it. Retrieved 31 March 2020.

[2] “Coronavirus Disease 2019 (COVID-19)-Transmission"www.cdc.gov Retrieved 31 March 2020.

[3] National Department of Health official government COVID-19 support service. Accessed via WhatsApp 0600 123456 on 31 March 2020.

[4] SABC NEWS. Special Broadcast. 31 March 2020.

[5] “Symptoms of Novel Coronavirus (2019-nCOV" www.cdc.gov. Retrieved 31 March 2020.

[6] “Advice for public.” World Health Organisation (WHO). Retrieved 31 March 2020.

[1]

[2]

[3]

[4]

[5]

[6]