Help:Contents
From Wikipedia
Marondera
Kaguta kari makiromita anoita makumi matanhatu nechekumabvazuva kweguta guru reHarare makananga munzira inoenda kuguta reMutare. Marondera ndiro guta guru reMashonaland East purovhenzi. Vagari venzvimbo iyi vazhinji maZezuru. Iri guta rine zvikwata zvakawanda zvevabvakure. Kunoti varungu vanowanzowanika mumapurazi. Kwozotiwo vaMalawi.Zvidza zvegutu iri zveChiZezuru.Marondera inzvimbo ine dzimba huru dzakawanda dzakaipoteredza Svosve, Nysahanu, Chikwaka zvingodaro. Nzimbo dzinogara vanhu kunoti musha we DOmbotombo, rujeko, Yellow City, Nyameni Cherutombo, rusike, Paradise Park neWeston Part. Zvinamati zvinowanikwa muguta iri kunotiMaKristu akare VaRoma, Ngirandi, Hwisiri nedzimwewo kwozotiwo maKristu emweya veZaoga, Family of God. Kunewo vavhangeri ve Church of Christ ne Baptist zvichingodarowo. Kune vateveri vaMahamadhiwo(Muslims) vanova ivo vazhinji veChiMalawi neveChiIndia. Kunowanikwao Vapsotori vakawanda. Nzvimbo yeMarondera ine zvikoro zvakawanda zvakanaka zvine dzidzo yepamusoro-soro. Guta iri rakatanga kutungamirwa naMeya wechitema aiva Innocent Mutsanziri Shonhiwa kubva muna 1982 kusvikira 1987.. Ndiye akava mutungamiri weChivanhu wekutunga kuba va muhondo yechimurenga 2. Innocent anga akaberekwa na mai vake Ottillia Ziteya aiva mwana wa Leonard Takaendesa Maresva. Innocent wakanga aine mukoma mumwe aitwa Basil Siliva Takaendesa nehanzvadzi imwe mumba maMai vake aiitwa iye Juliet Pelagia Muzerengi. Baba VaInnocent vaiva vekwaZiteya. Innocent waiva nenzvadzi nemunin'ina mumba maBaba vake.Innocent wakazoteverwa naMeya Chiboth Dakura Mukange aiva mudzidzisi muiri guta. Vagari veMarondera vanowana mvura yekumwa kubva mumadhamu maviri anoitwa Nyambuya neRufaro. Nyambuya idhamu riri mutrwizi runoitwa Nyakmbiri. MuMarondera munowakiwa nzvimbo dzakakosha dzinoratidza zvinyoro zvechinyakare zvepamatombo mumapako ari paTapfuma School. Kunewo Imire GamePark inowanikwapedyo neiri guta ine mhuka dzesango dzemhando dzakawanda. Marondera inzvimbo ine mapani akwanda naizvozvo munguva dzechando kunotonhora zvakanyanya. Mvura inowanzo nayawo zvikuru munguva yezhizha. Iri guta riri kukura zvikuru nevanhu vanofarira kuvavkiramo vachishanda kuHarare nekuti mutengo wedzimba wakatidererei zvichienzaniswa neHarare.
