Mushonga unodzivirira Meningitis
Mushonga unodzivirira chirwere cheMeningitis zvinoreva chero mumwe wemishonga inodzivirira unoshandiswa pakuchengetedza vanhu kubatira utachiona hunonzi Neisseria meningitidis.[1] Mhando dzakasiyana dzawo dzinoshanda chaizvo pakurwisa mhando dzese dzinotevera kana kuti dzimwe dzemeningococcus: A, C, W135, neY. Mishonga inodzivirira yacho inoshanda zviri pakati pe85 ne100% kwenguva inodarika makore maviri.[1] Inoita kuti pave nekuderera kwemeningitis uye kuwanda kwetunhu tudikidiki tunokanganisa mumuviri izvo zvinonzi sepsis pavanhu vakawanda vanenge vashandisa chaizvo mishonga yacho.[2][3] Mishonga yacho inoita zvekuiswa mutsandanyama nejekiseni kana nechepazasi peganda.[1]
Sangano reWorld Health Organization rinokurudzira nyika dzine chirwere ichi zviri pakati nepakati kana kuti zvakanyanya, kana kuti dzinogara dzichiita matenda kuti dzigare dzichipa vanhu mishonga inodzivirira.[1][4] Munyika dziri pangozi isina kunyanya yekuwana chirwere ichi, sangano iri rinokurudzira kuti mapoka evanhu ari pangozi yakakwirira apiwe mishonga inodzivirira.[1] Kana iri nharaunda yemeningitis iri muAfrica zviri kuedzwa kuti vanhu vese vane gore rimwe chete kusvika 30 vapiwe mishonga yemeningococcal A conjugate inodzivirira.[4] MuCanada nemuUnited States zvinokurudzirwa kuti mishonga inodzivirira iyo inoshanda chaizvo pakurwisa mhando ina dzechirwere chacho, igare ichipiwa vari kuyaruka uye vamwe vari pangozi yakakwirira.[1] Zvinonziwo mishonga iyi ipiwe vanenge vachienda kuMecca kuHajj.[1]
Kashoma chaizvo kuti pave nezvakaipa zvinokonzereswa nemishonga iyi. Vamwe vanorwadziwa kana kutsvuka pacho pavanenge vabaiwa nejekiseni.[1] Zvinoratidzikawo kuti kakawanda hapana zvinokanganisika kana ikashandisirwa vanhu vane pamuviri.[4] Zvakaipisisa zvinokonzereswa nemishonga zvinoitika kasingasviki kamwe chete pakupiwa mishonga kunodarika miriyoni.[1]
Mushonga wekutanga pamishonga inodzivirira yemeningitis wakatanga kuwanika kuma 1970.[5] Uripo paMazita Emishonga Inonzi neWorld Health Organization Ndiyo Inokosha, kureva mushonga unonyanyokosha panyaya dzekutarisirwa kweutano.[6] Kana wakawanda unoita pakati pe3.23 ne10.77 USD pamushonga mumwe chete kubvira muna 2014.[7] MuUnited States unoita 100 kusvika ku200 USD pakosi.[8]
- ↑ 1.0 1.1 1.2 1.3 1.4 1.5 1.6 1.7 1.8 "Meningococcal vaccines: WHO position paper" (PDF). Weekly epidemiological record. 47 (86): 521-540. Nov 2011. PMID 22128384.
- ↑ Patel, M; Lee, CK (25 January 2005). "Polysaccharide vaccines for preventing serogroup A meningococcal meningitis". The Cochrane Database of Systematic Reviews (1): CD001093. PMID 15674874.
- ↑ Conterno, LO; Silva Filho, CR; Rüggeberg, JU; Heath, PT (19 July 2006). "Conjugate vaccines for preventing meningococcal C meningitis and septicaemia". The Cochrane Database of Systematic Reviews (3): CD001834. PMID 16855979.
- ↑ 4.0 4.1 4.2 "Meningococcal A conjugate vaccine: updated guidance, February 2015" (PDF). Weekly epidemiological record. 8 (90): 57-68. 20 Feb 2015. PMID 25702330.
- ↑ Barrett, Alan D.T. (2015). Vaccinology : an essential guide. p. 168. ISBN 9780470656167.
- ↑ "WHO Model List of EssentialMedicines" (PDF). World Health Organization. October 2013. Retrieved 22 April 2014.
- ↑ "Vaccine, Meningococcal". International Drug Price Indicator Guide. Retrieved 6 December 2015.
- ↑ Hamilton, Richart (2015). Tarascon Pocket Pharmacopoeia 2015 Deluxe Lab-Coat Edition. Jones & Bartlett Learning. p. 315. ISBN 9781284057560.