Mangwanani

From Wikipedia
(Redirected from Makuseni)
Jump to navigation Jump to search

Nguva yemangwanani ndiyo nguva yokutanga kwezuva kubva pakuyedza kwezuva vanhu vachimuka. Nguva iyi inotaurwawo nenzira dzimwe dzakasiyana. Kubata jongwe muromo kunotaura kuti munhu amuka rungwanani machongwe asati akukuridza. Mashambanzou inguva yerungwanani zvakare apo panoonekwa nzou dzichienda kudziva kunonwa mvura nokugeza miviri yadzo. Mambakwedza kana kuti mavambakuyedza zvinoreva rungwanani pakutangisa kwawo.

  • Mazambambira (Early morning, just after sunrise when dassies sun themselves) inguva yemangwanani Suva richangoyedza apo mbira dzinozamba zuva.
  • Chedza (first dawn).

Mitauro yeBantu[chinja | edit source]

  • MaZulu vanoti ekuseni (n. In the morning, at dawn; early morning) kureva makuseni. Muenzaniso: ukuvuka ekuseni (to awake at dawn) kumuka mangwanani.
  • MaZulu vanoti ukusa (to dawn, rising of the sun) vachireva pakuyedza kwezuva. VaZigula vanoti kucha (n. dawn).
  • Basotho vanoti hoseng (n. morning) kureva makuseni. Nyungwe vanoti macibese (n. morning) kureva mangwanani.
  • VaNyungwe vanoti kweru (early afternoon) pakuvamba kwemasikati. VaGanda vanoti kikeru kana nakeru (early) vachireva kweru.
  • VaZigula vanoti mtondo (n. morning) kureva mangwanani.