Nzeve
(runangakatsva kubva kuMafunzi)
Nzeve (ku Chingezi: ear) zheve uye zhebe inhengo iri mumusoro wemunhu kana pane dzimwe mhuka inoita basa rekunzwa. Nzeve yakaumbwa nenzira yokuti igone kutapa masaisai ezvinorira. Vatauri veChimanyika vanoti itwi kureva nzeve; pahuwandu voti matwi.
Mukati menzeve munoita mafunzi anobudamo.
- Chikamu chenzeve chinoonekwa kunze chinonzi chiteteko.
- Munhu akaremara zvekusakwanisa kunzwa munzeve anonzi matsi kana burunzeve; munhu wacho ane umatsi.
Mamwe Mazwi
[chinjirudza | chinjirudza mabviro]- Bengwa (ideophone of Listening intently).
- Kupingura (to hear) izwi reChiNdau rinoreva kunzwa. Zvichida ndipo panobva zita rokuti Mapingure?
Zvirevo
[chinjirudza | chinjirudza mabviro]- Akuruma nzeve ndewako.
- Zvinozipa zvinotanga nzeve kudzivira. Sweet delicacies begin by blocking the ears.
Mitauro yeAfrika
[chinjirudza | chinjirudza mabviro]- Nyungwe inoti khutu kana makutu pakuwanda (ear) kureva nzeve. VaFwe vanoti kutwi (ear) kureva nzeve.
- Kikuyu inoti gutu kana magutu pakuwanda (ear) kureva nzeve. Kinande vanoti okutu (n. the ear) kureva nzeve
- Mambwe inoti -teya matwi (n. to give ear to, listen) kureva kuteya nzeve. BaRonga vanoti dleve (n. ear) vachireva nzeve.
- Mambwe inoti umbulwa mano (lack of intelligence) - kusachenjera. Mbulwa (a person devoid of, short of something) munhu ane chimwe chaasina.
- MaZulu vanoti uludlebe (n. An 'ear' for something, keen hearing). Nyaneka inoti kutu (n. ear) kureva nzeve.